ቁርአን ከአምላካችን አላህ (سبحانه وتعالى ) የተሰጠን መለኮታዊ መፅሀፍ በመሆኑ በውስጡ ምንም አይነት የእርስበርስ ግጭት እንደሌለበት እኛ ሙስሊሞች እናምናለን። አንድ “መለኮታዊ” የተሰኘ መፅሀፍ ውስጡ ከእርስ በርስ መጣረስ የፀዳ ሊሆን እንደሚገባ ሁሉም ሰው ይጠብቃል። የእርስ በርስ ግጭት ስንል ከሀሳብ ግጭት ጀምሮ የቁጥር፣ የጊዜ፣ የቦታ ወዘተ ግጭቶችን ያካትታል። መነሻ ላይ የተናገረውን መድረሻ ላይ በተቃራኒ ቃል የሚያፈርስ መፅሀፍ አይደለም የአምላክ ቃል ሊሆን ይቅርና የአስተዋሽ ደራሲ ውጤትም ሊሆን አይችልም።
Category: ቁርዓን
እውን ቁርኣን ምድር ጠፍጣፋ ናት ይላልን?
ሙስሊም ያልሆኑ አካላት ቁርኣንን ለመተቸት ከሚያነሷቸው ሙግቶች መካከል ቁርኣን ስለ ሥነ-ፈለክ “astronomy” የሚናገረው ነገር በዘመናዊው ሳይንስ መነፅር ውድቅ ስለሆነ የአምላክ ቃል ሊሆን አይችልም የሚል ነው። ለዚህም የሚከተለውን አንቀጽ ያለ አግባብ በመጥቀስ ቁርኣን ምድርን ጠፍጣፋ አድርጎ እንደገለጻት ይናገራሉ:-
ሴቶችን ግረፏቸው?
ለዛሬ የማስቃኛችሁ፡- ቅዱስ ቁርኣን ሚስቶቻችሁን ምቱ! በማለት ያዛል፡ ስለሆነም ሴቶች ተበድለዋል የሚለውን ቅጥፈት ነው፡፡ ለዚህ ክሳቸውም ተከታዩን የቁርኣን ክፍል ዋቢ አድርገው አቅርበዋል፡-
ጀነትና ጸጋዎቿ | ክፍል ሶስት
– በጀነት ውስጥ ለአማኞች የተዘጋጀው መብልና መጠጥ የክብር መገለጫና የድሎት መጠቀሚያ እንዲሆን እንጂ ለረኃብና ለጥም ማስታገሻ እንዲሆን ታስቦ አለመዘጋጀቱን ነው፡፡ ምክንያቱም በጀነት ውስጥ ረኃብም ሆነ ውሀ ጥም የለምና፡፡ የተዘጋጁት መጠጦችም ሆኑ መብሎች ‹የቅንጦት› መገለጫዎች ናቸው፡፡ ለአምሮት የተዘጋጁ ስጦታዎች ናቸው፡፡
ማነው የሚያጠመው?
አንዳንዶች ባለማወቅ ለመረዳት፣ ሌሎች ደግሞ ግራ ተጋብቶ ሌላውንም ግራ ለማጋባት አላህ ለምን የፈለገውን ያጠማል? የሚል ጥያቄ ያለሳሉ፡፡ ጭራሽ የአላህን ፍትሐዊነት ጥያቄ ምልክት ውስጥ ለማስገባት ይሞክራሉ፡፡ ይህን ሀሳብ በአግባቡ ለመረዳት ሙስሊሞች ዘንድ መጥተው ጠይቆ መማር ሲገባ፡ ጭራሽ በመለኮታዊ አሰራሩ ጣልቃ ገብተው፡ እነሱ ከሱ በላይ ለፍጡሩ ተጨንቀው፡ አላህን ተከሳሽ እራስን ከሳሽ ማድረጉ ምን የሚሉት ዕብደት ነው? ዕብድም ደፍሮ እንደዚህ መናገሩን እንጃ!! ለማንኛውም ቅዱስ ቃሉ ‹በመልክተኛው ላይ ያለበት መልክቱን ማድረስ ብቻ ነው› ስለሚል፡ እኛም እውነታውን በመግለጽ፡ በነሱ ላይ ማስረጃውን በማቆም ከሐቅ የጠፋም ከማስረጃ በኋላ እንዲጠፋ፣ በሐቁ ሰበብም ወደ እውነት የሚመጣ እንዲመጣ የበኩላችንን እንወጣለን፡፡ ‹‹ወማ ተውፊቂ ኢልላ ቢላህ›› (ለማንኛውም መልካም ነገር ገጠመኛችን ከአላህ እንጂ ከማንም አይደለም››!! እንዲል ቃሉ፡፡ ጉዳዩ ግልጽ እንዲሆንም በአራት ነጥቦች በመከፋፈል በጥያቄ መልክ አቀርበዋለሁ፡-
ኢስላም ውሸትን ፈቅዷልን?
ክቡራን ወንድሞቼና እህቶቼ! ዛሬም እንደተለመደው የማስቃኛችሁ ነገር ቢኖር፡ ኢስላም ለሃይማኖትህ ስትል መዋሸትን ይፈቅዳል! የሚለውን የካፊሮችን ከንቱ ክስ ነው፡፡ እነዚህ ሰዎች ምንም የራሳቸው ዕውቀትና ተሞኩሮ የሌላቸው፡ እንደ ገደል-ማሚቱ የተነገራቸውን ብቻ የሚያስተጋቡ፡ የጉዳዩን እውነተኝነት ከማጣራት ይልቅ በጥላቻ ስሜት ወሬውን ማሰራጨት የሚወዱ ናቸው፡፡ እስኪ ኢስላም ለሃይማኖትህ ስትል ዋሽ! ብሎ የፈቀደበትን ማስረጃ አሳዩን ስንላቸው ከሼህ ጎግል ያገኙትን ይህን ሐዲሥ አቅርበዋል፡-
በጀነት ውስጥ “ጠጅ” እንዴት ይኖራል?
አንድ ክርስቲያን ወገኔ በዚህ የቅዱስ ቁርኣን ክፍል ውስጥ ‹‹ተጣርቶ ከታተመ ጠጅ ይጠጣሉ›› የሚለው ቅዱስ ቃል ላይ በመመርኮዝ ሁለት ጥያቄዎችን ጠይቆኛል፡፡ እነሱም፡-
1ኛ. አላህ በናንተ ላይ እርም ያደረገው አልኮሆል መጠጦችን መጠጣት ነው ወይስ መስከር?
2ኛ. ደግሞስ በዚህ ዓለም የተከለከላችሁትን መጠጥ እንዴት በጀነት ተፈቀደላችሁ? በማለት ጥያቄውን አስከተለ፡፡
ለእነዚህ ጥያቄዎች እኔ ያለኝ ምላሽ እንዲህ ይቀርባል፡-
ወሕይ (መለኮታዊ ግልጸት)
ፈጣሪ አምላካችን አላህ ሰውንና ጂንኒን እሱን በብቸኝነት እንዲያመልኩት ፈጥሯቸዋል (አዝ-ዛሪያት 56)፡፡ ትክክለኛ አምልኮ ምን እንደሆነ ያብራሩላቸው ዘንድ ከሰዎች መካከል የተወሰኑትን በፈቃዱ መርጦ፡ የመረጣቸውንም ነቢያትና መልክተኛ አድርጎ ወደ ህዝቦቻቸው ልኮአቸዋል፡፡ በነዚህ መልክተኞች በኩል ቃሉንም አውርዷል፡፡ ይህ ወደ ነቢያት የወረደው መለኮታዊ ቃል በጥቅሉ በዐረብኛው ‹ወሕይ› ይሰኛል፡፡
አላህ ﷻ አደምን ያስቀመጠበት ጀነት
አላህ (ሱ.ወ) አደምን አስቀምጦበት የነበረውንና ከእሷም እንዲወጣ ያደረገባቸውን ጀነት በተመለከተ ዑለሞች (ሙስሊም ምሁራን) የተለያየ አቋም አላቸው፡፡ በሰማያት ኣለም ነች ወይንስ በዚህች ምድር ላይ?
የተፈጠርነው ለፈተና ነው!!
አንዳንድ አላዋቂዎች ከእምነታቸው ጉድለት: ከግንዛቤያቸውም እጥረት “ሰው የተፈጠረው ለፈተና ነው!” የሚለውን የሙስሊሞችን እምነት ይቃወማሉ። እንዲህ ሲሉም ተቃውሞ ያቀርባሉ፡- አላህ ሰውን የፈጠረው ለፈተና ከሆነ፡ እሱ መልካም አምላክ ሳይሆን ክፉ ነው ማለት ነው! ደግሞስ መፈተኑ ቀድሞ አያውቅም ነበር ማለት ነውን? የሚል ነው፡፡











