ሙስሊም ያልሆኑ አካላት ቁርኣንን ለመተቸት ከሚያነሷቸው ሙግቶች መካከል ቁርኣን ስለ ሥነ-ፈለክ “astronomy” የሚናገረው ነገር በዘመናዊው ሳይንስ መነፅር ውድቅ ስለሆነ የአምላክ ቃል ሊሆን አይችልም የሚል ነው። ለዚህም የሚከተለውን አንቀጽ ያለ አግባብ በመጥቀስ ቁርኣን ምድርን ጠፍጣፋ አድርጎ እንደገለጻት ይናገራሉ:-
Category: ምላሾች
እውን አል-ሐጃጅ የተወሰኑ የቁርኣን ቃላትን ለውጧልን ?
ሚሺነሪዎቹ ኪታብ አል-መሳሒፍ ላይ የተዘገበው ታሪክ በመጥቀስ ‟ሐጃጅ የተባለው ጥንታዊው ገዥ ከኡስማን ሙስሐፍ 11 የቁርኣን ቃላት ላይ ለውጥ አድርጓል ስለዚህ ቁርኣን ቃል በቃል ተጠብቋል የምትሉት ነገር ከእውነት የራቀ ንግግር ነው” ብለው ይናገራሉ። በዚህ ጹሑፍ ሰባኪዎቹ ያነሱት ታሪክ ምን ያክል ይደግፋቸዋል ? ምን ያክልስ ተዓማኒ ነው የሚሉትን ነጥቦች እንመለከታለን። እስኪ መጀመሪያ አል-ሐጃጅ ቀየራቸው የተባሉትን ቃላት ከጠቀሱት መጽሐፍ እንመልከት:-
የህጻናትን ምላስ መጥባት?
ሚሽነሪዎች እንደለመዱት ሐዲሳትን ከፊት እና ከኋላው እየቆራረጡ መልዕክቱን በማዛባት እንደው ከተሳካልን በማለት ስለ ዲናቸው መረዳት ያሌላቸውን ሙስሊሞች ለማሳሳት እንዲሁም ወደ እስልምና እየጎረፈ ያለውን የህዝበ ክርስቲያኑን ቁጥር ለመቀነስ ደፋ-ቀና ማለታቸውን ቀጥለዋል። “ነቢዩ ሙሐመድ ሀሰንና ሁሴን የተባሉትን ህጸናት (የልጅ ልጃቸውን) ምላሳቸውን (የነቢዩን ምላስ) እንዲጠቡ አስደርገዋል፣ ይህ ደግሞ የግብረሰዶማውያን ተግባር ነው” በማለት ይናገራሉ (ወነአዑዙቢላህ)። ጥላቻቸው እዚህ ደረጃ ደርሷል። በተመሳሳይ ፆታ አላስፈላጊ ንክኪ ላይ በጣም የከረራ አቋም ያላቸው አካል ላይ እንዲህ አይነት ተራ ትችት መክፈቱ በእውነቱ በጣም ያሳፍራል። አይደለም ታላቅ ነቢይን ይቅርና አንድ ተራ ሙስሊምን ራሱ በዚህ መወንጀል እንደ እውነቱ ከሆነ ይከብዳል። ለማንኛውም ወደ ምላሹ እንግባ:-
በእኔ ምን እንደሚሰራ አላውቅም?
ብዙ ጊዜ ሙስሊም ያልሆኑ አካላት ከላይ ያለውን የቁርኣን አንቀጽ በመጥቀስ “ነቢዩ ሙሐመድ የራሱንም ሆነ የእናንተን የወደፊት እጣፋንታ አያውቁም ነበር፣ ገሀነም ይሁን ገነት የት እንደሚገባ እርግጠኛ አይደለም፣ ስለዚህ ለገዛ ሕይወቱ እንኳ ዋስትና ያሌላውን ሰው አንከተልም” ብለው ሲናገሩ ይደመጣሉ። ጥያቄው እስልምናን በማያውቁ ክርስቲያን ወገኖች የተነሳ ቢሆንም አሁን ላይ አንቀጹን በማጣመም ብዙዎች ህዝበ ሙስሊሙን ለማወናበድ ይጠቀሙበታል። እስኪ ቀጥታ ወደ ምላሹ እንግባ:- ወደ ትክክለኛው የቁርኣኑ ትርጉም ከመሄዳችን በፊት ነቢዩ ሙሐመድ አስቀድመው ጀነት መግባታቸውን እንደሚያውቁ እና ተከታዮቻቸውም ጭምር ጀነት መግባታቸውን እንደተናገሩ፣ ከወዲሁ የጀነት መሆናቸውን የመሰከሩላቸው ሰዎች መኖራቸውን በማሳየት ሙግቱን ከስር መሰረቱ እናፍርሰው።
እውን ሱረቱል ተውባ 9/31 ኢየሱስ ይመለካል ይላልን?
ከታላላቅ የአሏህ [ﷻ] ነቢያት መካከል አንዱ የሆነው ኢየሱስ ሰው፣ ባሪያ፣ ነቢይ እና መልዕክተኛ ብቻ መሆኑ በማያሻማ መልኩ በቁርኣን ውስጥ በተደጋጋሚ ተገልጿል። ከዚህ የዘለለ ቅንጣት ያኽል ስልጣን እንዳሌለው እና ለእርሱም እንደማይገባው በራሱ አንደበት መናገሩን ጌታ አምላካችን ገልጿል፣ (ሱራ 5፥116)። በእስልምና አምልኮ የሚገባው ለአንዱ አምላክ ለአሏህ ብቻ ሲሆን ከእርሱ ውጪ ሌላን አካል መገዛትም ሆነ ለእርሱ አጋር ማድረግ ሺርክ መሆኑ የመጀመሪያው አንቀጸ-ዕምነት ነው። ኢየሱስ አምልኮ የማይገባው ባሪያ መሆኑንና ይህን ባርነቱንም ፈጽሞ እንደማይጠየፍ በግልጽ ተቀምጧል፣ (ሱራ 7፥172)። ይህን እወነታ መቀበል የከበዳቸው አንዳንድ ሙስሊም ያልሆኑ አካላት የቁርኣኑን አንቀጽ ከዐውድ በማጋጨት፣ የቋንቋውን ሰዋሰው በሚንድ መልኩ ከታች የሚገኘውን አንቀጽ ለኢየሱስ አምላክነት ለመጥቀስ ይሞክራሉ:-
ሁሉን ዐዋቂ አይደለም!!
ከወገኖቻችን ዘንድ ይህን የቅዱስ ቁርኣን አንቀጽ መሰረት በማድረግ የመርየም ልጅ ዒሳ (ዐለይሂ-ሰላም) ሁሉን እንደሚያውቅ መረዳት ይቻላል የሚል ድምጽ ይሰማል፡፡ ይህ ግን ፍፁም የተሳሳተ ግንዛቤ ነው፡፡ እንዴት ካሉም፡-
አደምና ሙሳ ተከራከሩ!!
እኛ የአላህ ባሮች የሆንን ሰዎች፡ አላህ ሲፈጥረን ኃጢአተኛ አድርጎ አልፈጠረንም፡፡ ኃጢአት የሌለበት ፍጹምና ንጹህ ኾነን ነው የተፈጠርነው፡፡ የመጀመሪያዎቹ አባቶቻችን አደምና ሐዋእም (ዐለይሂማ-ሰላም) ሲፈጠሩ ንጹሀን ነበሩ፡፡ ስህተት የተጀመረው በቀንደኛው ጠላታችን ኢብሊስ አሳሳችነትና ጎትጓችነት በጀነት ውስጥ አትቅረቡ! የተባሉትን ዛፍ በመቅረባቸውና ከዛፉም ወስደው በመብላታቸው ነው፡፡ ይህ አለፍጽምና አደምና ሐዋእ በምርጫቸው ያመጡት እንጂ፡ በውርስ ወይንም በተፈጥሮ የተቀበሉት ባሕሪ አይደለም፡፡
በአሻንጉሊት መጫወት?
ክርስቲያን ሚሺነሪዎች የአዒሻን ለጉልምስና ዕድሜ (Puberty) መድረስ ከጥንታዊያን ሰነዶች እና ከዘመናዊው ሳይንስ ጥናቶች ስናሳያቸው እንደ ሙግት የሚያነሷት ነጥብ አለች። እሷም “አዒሻህ በአሻንጉሊት እንደምትጫወት ሐዲስ ላይ ተጽፏል ስለዚህ ለአቅመ-ሔዋን አልደረሰችም ነበር” እያሉ የተፋለሰ አመክንዮ (Logic) ያቀርባሉ። ለማንኛውም እንደሚከተለው ምላሽ እንሰጣለን:-
የአዒሻ እድሜና እውነታው | ክፍል -2
በክፍል አንድ አርቲክል ላይ አዒሻህ በአካልና አዕምሮ የበሰለችና ለአቅመ-ሔዋን የደረሰች እንስት መሆኗን እንዲሁም ጋብቻው እንዲፈጸም የተወሰነው በጉልምስና እንድሜዋ ወቅት እንደሆነ ሐዲሶችንና እስላማዊ ምንጮችን እያጣቀስን አይተናል። ልጃገረዶች በልጅነት እድሜያቸው እንደሚያገቡ የማያውቁ (ወይም እያወቁ የሚቀጥፉ) ሰዎች የአዒሻን ትዳር እንደ አዲስ ክስተት በመመልከት እያጋነኑ ጉዳዩን ያልተለመደ መጥፎ ልማድ በማስመሰል “over exaggeration fallacy” ሲፈጽሙ ማየት የተለመደ ነገር ነው። ይህ ፋላሲ ከጉዳዩ ጋር ምንም ግንኙነት የሌላቸው ተጨማሪ ምክንያትና ተጽዕኖዎችን በማካተት ነገሩ መጥፎ እንደሆነ አድርጎ በማጋነን ለታዳሚ የሚቀርብ ህጸጽ ነው። አዒሻህ በትዳሯ ደስተኛ እና ፍቃደኛ ሆና ሳለ የተበደለች በማስመሰል፣ ለአካላዊ እና ሞራላዊ ብስለት እጅጉን ብቁ ሆነ ሳለ ያልደረሰች አድርጎ በማቅረብ፣ አባቷ እና እናቷ ተስማምተው ለነቢዩ አጭተዋት ሳለ ነቢዩ በጉልበት ያገቡዋት በማስመሰል፣ በእስልምና ድንግል ልጅ በፍቃዷ ቢሆን እንጂ ከእርሷ ጋር ግኑኝነት ማድረግ ክልክል እንደሆነ ነቢዩ አስተምረው ሳለ አዒሻህ የተደፈረች በማስመሰል እንዲሁም ልጃገረዶችን በልጅነት እድሜያቸው ማግባት ከነቢዩ በፊት በሰፊው የሚታወቅ ልማድ ሆኖ ሳለ እርሳቸው ያመጡት አዲስ (እንግዳ) ነገር አድርገው በማቅረብ ጭፍንተኝነታቸውን በአደባባይ አሳይተዋል።
የአዒሻ እድሜና እውነታው | ክፍል-1
መናፍቃን በእስልምና ላይ ከሚሰነዝሯቸው ትችቶች መካካል የናንተ ነቢይ ለትዳር ያልደረሰችን የዘጠኝ ዓመት ልጅ አግብቷል ይህ ደግሞ ከአንድ ነቢይ የሚጠበቅ ተግባር ስላልሆነ ነቢያችሁ ሐሰተኛ ናቸው የሚል ዲስኩር ያራግባሉ (ትችቱን የሚያቀርቡት እንደዚህ ስርዓታዊ በሆነ መንገድ ባይሆንም ነጥባቸው ተመሳሳይ ነው) ይህንን ነጥብ በመያዝ ነቢዩን የሚከሱ አብዛኞቹ ተቺዎች የሚከተሉትን ህጸጾች ይፈጽማሉ እነርሱም:- ከመጠን በላይ ማጋነን (Over-exaggeration)፣ የውሸት ብልጠት (Manipulation)፣ እውነታውን ያለማከለ ሙግት በማንሳት መደምደም (conclusion with false premises)፣ ማዛባት (Distortion) እና ሌሎችም ይጠቀሳሉ። እነዚህን በሙሉ በጹሑፉ ውስጥ የምናየው ይሆናል። እንግዲህ እነዚህ አካላት ለሴቶች የተቆረቆሩ ይመስል ይህን ጉዳይ ያነሱት አዒሻህ ዘጠኝ ዓመቷ ስለነበር ለአቅመ-ሔዋን (ጉልምስና) “puberty” አልደረሰችም ይሉናል ! ለመሆኑ አንዲት እንስት ለጉልምስና የምትደርሰው በስንት ዓመቷ ነው ? እስኪ ዘመናዊው ሳይንስ የሚለውን እንመልከት።











